應邀演講 語重心長

絲絲聽聞，任志剛喺上周就應民建聯邀請出席午餐演講，以佢嘅號召力，自然吸引唔少人捧場。演講喺中華總商會舉行，大大話話都有十席、八席，非常熱鬧，由於冇開放畀傳媒，所以大家都未必會知。

有出席演講嘅人士話任志剛風采依然，當日主要係講佢最在行嘅金融及經濟環境，期間亦有講及衍生工具嘅發展。大家都知佢做金管局時一直都語重心長，叫人小心風險。關於衍生工具，絲絲同意都係嗰句，唔識唔好買，量力而為啦！

其實任志剛之前都講過，未來仍然好想為國家及香港服務，睇佢依家仍然咁關心本港，大家對於佢嘅新動向不妨拭目以待。

余絲韻