杜拜世界事件尚未了結，港股上周五跌過龍，尋日終於有番個似樣反彈，但相對上周四及周五跌去嘅逾1,000點跌幅，反彈不足700點似乎過分偏弱，最慘係成交只得798億元，力度又有不足，唔通只係大跌後嘅後抽？經過上周咁樣插水，市場信心始終都會怯一怯，暫時都係無謂過勇。
今年四月時，內地終於宣布8,500億元醫療改革細節。改革藏商機，大地資源（08116）亦於九月份變身，進軍內地醫療訊息技術市場，本想於九月底以0.33元配股集資1.8億元，可惜當時市況急轉直下，最後配股無疾而終。近日公司完成收購安博維，安博維剛取得山西一項電子醫療網絡合約，價值1.2億元人民幣，令集團正式進軍內地醫療訊息市場，觀其股價於0.25元收集長達三個多月仍未炒過，今次完成收購隨時炒番轉，向上暫睇0.35元，止蝕位可以定於0.24元。
古晨