28/11/2009

播放本新聞相關短片
查詢股票編號

絲絲講場:太保雲南推大象保險

內地「騎呢」保險產品多不勝數,繼幾年前推出母豬保險後,雲南省又即將推出全球首創嘅大笨象保險。不過今次唔係為咗保障大笨象嘅生命安全,而係當佢搞破壞食晒農民嘅農作物時,保險公司就要賠錢,最高可賠三千萬人仔。

防搞破壞保障農民

大家都知,雲南邊境一帶有好大嘅熱帶雨林,同埋特殊地形景觀,除咗亞洲象之外,黑熊、虎、豹、金絲猴等都係此地嘅受保護動物。近年當地保育工作做得好好,但係大笨象成日偷食農民啲粟米、香蕉等,令貧窮嘅農民損失慘重。聽聞淨係畀大笨象踩死嘅人,每年都有三至四個添。

當地政府幾年前已開始補貼農民嘅損失,但小數怕長計,所以就索性搵幾間保險公司嚟競投,最後由中國太平洋財險得標,出年元旦先至開始生效。

余絲韻