部分地區升價40倍

內地農業部報告話，蒜頭每公斤賣成6.14元人民幣，價格自今年三月以來勁升近3倍；消息更指，如北京等大城市嘅蒜頭批發價同期升幅更達15倍！

摩根士丹利分析員Jerry Lou為此撰寫報告，話蒜頭喺內地部分地區價格，今年以來勁升達40倍，蒜頭熱潮甚至影響金融市場運作，喺盛產蒜頭嘅山東，部分地方嘅銀行甚至現鈔短缺，因為投機者提取現金炒賣蒜頭。

蒜頭成為今年價格表現最亮麗嘅內地商品，分析話有兩大因素，首先係去年底嘅4萬億刺激經濟方案，游資大增令各類商品成為投機目標，蒜頭價格亦跟隨勁升；二來係供應減少，中國有60%蒜頭出口美國，但去年內地大削蒜頭耕地達五成，令未來供應減少利好價格。更重要嘅係，據悉蒜頭對豬流感（H1N1甲型流感）有免疫作用，亦利好蒜頭需求。

余絲韻