重出江湖攻中國市場

安東尼最為人津津樂道嘅，就係由佢管理嘅「特別情況基金」，由七九年至○七年底錄得19.5%年度化回報，如果當日投資咗1,000英鎊，結果會增長到14.82萬英鎊！

「歐洲股神」今次重出江湖，主要係睇中咗中國市場，佢話自己由○四年開始已經定期走訪中國企業，以現時情況睇，中國明年大有機會超越日本成為全球第二大經濟體系。佢仲話好希望下次可以走訪吓內地二、三線城市，親自睇吓當地情況。

見到股神當然人人都想攞貼士，安東尼話依家嘅牛市可以持續幾年，由於泡沫要經歷幾年先可以形成，所以現時亦冇泡沫問題。不過，佢就以隻Fund仲未開始為理由，冇講到自己會選乜嘢股。

既然嚟得香港，咁股神有冇打算學吓講普通話及廣東話呢？安東尼就自嘲冇乜語言天分，話應該唔會喇。

余絲韻