花樣年嘅紀念品係一幅花樣圖案嘅油畫，堪稱剛柔並重，「柔」除咗指紀念品氣氛柔和，亦指油畫個「油」。咪以為花花草草無乜特別，其實啲花瓣用上唔同嘅柔和色調襯托花蕊，令人有祥和感覺。

採煤車擺設勇往直前

至於從事煤炭開採業務嘅三一重裝，佢哋嘅採煤車擺設紀念品極具陽剛味，驟眼睇仲以為係裝甲車，細細架但應該幾墜手。中央政府咁睇重呢行，三一董事長兼首席執行官毛中吾都話擔子好重，而集團將貫徹勇往直前嘅宗旨；無奈總有意外因素影響進程之時，早排三一嘅本港記者會，管理層臨時「甩底」，尋日就向記者致歉，話係因為國際路演延遲。

余絲韻