禮拜二內地勁傳中央會調高銀行資本充足比率要求，內銀股有需要大規模集資，引發上證出現顯著下挫，不過禮拜三喺石化雙雄帶領之下，又回升番，好似無事發生過咁。港股尋日雖有反彈，不過市場氣氛明顯轉靜，信心似乎不及上個禮拜咁旺盛，尋日所見，股仔仍有炒作，但氣勢似有所下降，可能係同期指結算有關，希望過咗今個禮拜會有好轉。
A股內銀股受壓，資金轉炒石化股，中石油（00857）及中石化（00386）A股炒風再現，而近期內地燃氣價格急升，有傳內地三大油企已向發改委申請調整天然氣價格，另外市場亦關注天然氣改革方案上呈國務院嘅情況，有消息指明年一月將會實施。
近期中石化有唔少利好消息，股價不排除會跟隨A股炒上，年底前要炒上8元都唔出奇，不妨以6.3元作為止蝕位跟進。
古晨