行善最樂，喺尋日渣打嘅「馬拉松101教育計劃」其中一項大型課外活動上，大會就利用咗200幾個由學生設計嘅不倒翁砌出巨型笑臉圖案，身兼呢項計劃大使嘅渣打香港個人銀行業務主管禤惠儀仲連同300名學生齊齊同「笑哈哈」影相。
尋日呢項活動叫做「永不倒！站起來！」，用不倒翁嚟配合主題就最貼切不過。今次活動總共有超過2,500名學生為600個高1.2米嘅不倒翁設計造型，大會最後就揀咗其中200幾個。
捐助港殘疾人奧委
絲絲知道有份參加嘅學生好關心社會，共收集到8,000個公眾人士嘅簽名，渣打以每個簽名捐款50元，為香港殘疾人奧委會籌到40萬元，發揮傷健共融、永不言敗嘅馬拉松精神。
余絲韻
