本文重點
投資係咪藝術見仁見智，但對有「歐洲股神」稱號嘅富達國際投資總裁安東尼波頓（Anthony Bolton）嚟講，投資及藝術兩者都係佢嘅拿手好戲，呢位資深投資者係一位作曲家，將於下周三喺中環聖約翰座堂舉行慈善聖誕音樂會公開演奏其作品，係「歐洲股神」作品首次喺亞洲區演奏，而音樂會善款除咗用作協助座堂維修外，亦會幫助愛滋病患者及新移民事工。
管理富達基金30年
安東尼波頓剛完成長達3個月嘅亞洲區拜訪及考察，佢喺過去30年一直係基金界明星，亦係英國最大嘅投資者，自七九年已開始管理富達旗下基金。另方面，波頓亦喜愛作曲，佢創作嘅樂曲《A Garland of Carols》就係今次演奏會曲目之一，其餘演奏曲目仲包括海頓、曼德爾遜，而聖約翰座堂合唱團亦會同場演出。
余絲韻