歷史背景襯托至啱feel

邱德根話現時好多地方都有迪士尼樂園，佢作為中國人，好希望呢個坐落中國嘅主題公園能富有中國色彩，佢建議上海迪士尼可以興建有歷史背景，例如以唐、宋、明、清四朝代故事作襯托嘅主題公園，當然主題公園仍會包括一般遊樂場嘅設備，並且最好由有志可為嘅中國人參與管理。

佢提出咁有創意嘅諗頭，除咗因為佢曾興建宋城等主題公園，對中國歷史文化有好深厚嘅認識及情意結外，佢話依家全球迪士尼樂園千篇一律，佢去過香港嗰個，覺得就係美國迪士尼樂園嘅縮影，可能就係咁，佢提出將來嘅上海迪士尼要與眾不同。佢仲話，由於上海及江浙兩省嘅兒童人口眾多，喺上海興建迪士尼樂園為小朋友提供一個嶄新嘅遊玩好去處，確實係一件好事。

邱德根今年已年屆85歲，佢仍然好活躍，四周圍去，早前就去咗花樣年（01777）嘅推介會湊熱鬧，佢話希望上海迪士尼樂園建成後去參觀一次。

余絲韻