毛里裘斯「幫襯」國基會

美元走軟，令國際金價今年以來反覆上升，近日現貨金更創下每安士一千一百四十一美元嘅歷史新高，個人投資者以至各國都爭相買金，以平衡一下投資組合。市場人士話毛里裘斯嘅買金行動，係發展中國家增強外儲黃金比例嘅典型例子，今次毛里裘斯增持黃金儲備所動用嘅外儲唔係小數目，以今年八月底該國外儲有二十九億美元計，今次購金量約佔其外儲百分之二點四，對呢個細小國家嚟講，都算係一個重要決定。

作為全球最大黃金生產國的中國，自○三年起就增強其黃金儲備，內地官員今年四月透露，國家嘅黃金儲備達一千零五十四公噸，喺全球國家黃金儲備排行第五。外界相信，中國或會由國基會手中購入一定數量嘅黃金。

余絲韻