本文重點
TOM集團（02383）尋日宣布與中國籃球協會及中國教育電視結盟，合作推出一個中國青少年籃球網絡互動平台，名為「中國籃球大本營」，大會喺北京搞咗個記招，除咗TOM首席執行官楊國猛、首席財務官麥淑芬、國家體育總局及中國教育電視台嘅高層出席之外，仲有「高人」出席，佢就係國家籃球隊主力成員孫悅。
互動平台 姚明教打波
自從姚明喺美國NBA打出名堂之後，內地同胞對於籃球嘅熱愛程度就與日俱增，內地唔少年輕人都會打籃球，希望可效法姚明、易建聯及孫悅呢啲「高人」，可以打出個未來。
講番呢個「大本營」，除咗可通過參與一啲互動環節贏積分及禮物之外，其中一個功能叫「互動課堂」，大班籃球明星好似姚明、易建聯、孫悅等都會擔任顧問及技術指導，仲會喺網上及網下解答學員提出嘅籃球技術相關問題。
余絲韻