負責項目招標的第一太平戴維斯陳超國同Vincent講，項目部分雖仍連租約，但業主已與各租戶商討，有機會交吉形式出售，另現已有逾20家發展商、投資者同用家查詢；若項目重建，分分鐘做價可以超過3萬蚊一呎。

石門工廈賠訂封盤

政府公布工廈活化措施後，新界區工廈活躍起來，區內有多幅商貿地待勾的沙田石門，亦出現工廈賠訂封盤。Vincent聽美聯工商Eric講，新貿中心A座高層6室，早前以約278萬元售出，業主獲悉上述消息後，覺得賣平咗，決定賠訂20萬元，尋日仲話封盤唔賣。聽區內經紀講，依家同類型單位放盤罕有，估計上址現時市值最少320萬元，即係較單位原先成交價，高出超過15%。

（Vincent Lau）