本文重點
手機短訊雖然好方便，不過每次見到無聊嘅宣傳短訊，人人都肯定非常不滿。Vodafone（VOD）喺澳洲嘅分公司，近日就因為替可口可樂進行嘅手機短訊宣傳活動而被重罰11萬澳元（約78.9萬港元），此舉對以手機短訊進行業務推廣嘅公司嚟講，可謂當頭捧喝！
違垃圾電子訊息條例
澳洲Vodafone今次被澳洲監管部門罰款，係因為佢哋早前為可口可樂發出嘅10萬個宣傳短訊，未有按澳洲有關垃圾電子訊息嘅條例，向接收者提供拒收訊息嘅聯絡方式。
以每個短訊平均罰款1.1澳元（約7.89港元）嚟計，大家大概都可以肯定，Vodafone今次為可口可樂所提供嘅宣傳服務，肯定係賠了夫人又折兵，有關罰款亦創下澳洲對同類違規服務嘅最高紀錄。
講開垃圾SMS，大部分香港人都覺得好討厭，不過，香港嘅電訊管理局早就已有對策，大家若唔想再被騷擾，其實只要打熱線1835000按指示進行登紀，就可以阻止電訊商向自己發放呢類宣傳訊息！
余絲韻