Ted拉隊由美銀過檔

今次老竇加入阿仔間公司辦事，都算係特別舉動，剛啱摩通主席喺早兩星期宣布會大手招聘逾千名證券代理人以配合發展，當時仲話唔會喺同行挖角，認為咁樣係不當舉動。然而今次老父加入公司，卻又令人覺得Jamie Dimon對老竇作出「豁免」，畢竟老竇係來自美國政府幫助最多嘅美銀。事實上，摩通涉足證券代理人業務都只係去年初嘅事，當時摩通拯救水深火熱嘅貝爾斯登。

Ted今次唔係單人匹馬入摩通，仲會帶埋自己團隊嘅5位私人客戶代理人，話要加強私人銀行業務嘅火力。他本身喺花旗集團任職證券代理人已超過30年。

余絲韻