港股昨日先升後回，但股份就大有大炒，細有細炒，新有新炒，真係炒到天昏地暗。市場信心返晒來，加上水頭又充足，整體仍然係大漲小回格局，希望這種形勢可維持至年底，咁大家都可以過番個肥年。
近期炒到最熱嘅板塊，當然唔少得上海迪士尼概念股。而市場上有實際得益者其實少之又少，迪士尼成功進駐上海，在內地嘅知名度一定會大大提高，佢嘅產品需求自然大幅上升，時尚配飾生產商雅天妮（00789）尋日剛剛宣布成功爭取到未來兩年迪士尼產品嘅非獨家特許權，以使用若干迪士尼人物素材及商標，以現時內地人嘅購買力，加上對家中小朋友嘅鍾愛，雅天妮未來兩年可以講係捉到隻會生金蛋嘅鵝。有此利好消息刺激，股價自然有力啦。如果今日高開突破，不妨留意一下，因為量度計可以見1.1元，而止蝕位可以考慮設在0.78元。
古晨