舖壇老手揸貨4.7億

港景匯有兩個總統套房，之前一個較大面積嘅套房已經租咗，現時推出招租嘅全新總統套房面積約2,500方呎，設有主人房、客房、配備兩用梳化的書房、客廳、飯廳之外，仲有廚房及洗衣房等，而裝修家具就充滿東方色彩，租期由一個月到十二個月。

唔少舖壇老手有句口頭禪，話「一舖養三代」，睇啱靚舖就要買。Vincent有位老友名叫張順宜（洋名Johnny），平日除忙於處理家族物流生意外，亦獨愛買舖投資，佢透露依家持有的舖位等貴重物業，市值超過4.7億元，當中包括早前向投資者尹伯權購入的北角港輝豪庭一籃子舖，睇咗一個月就拍板購入，作價約1.5億元，回報率5厘。過去一年投資市場好旺，他伺機沽出10多項工、商物業，淨袋近6,000萬元。近期工廈炒味濃，唔少投資者都吼實工廈。Johnny透露，月前洽購緊一幢工廈至尾聲，點知工廈活化消息公布，業主即反價至逾億元。

（Vincent Lau）