話可追上紐約倫敦

其實早前滙控高調宣布，行政總裁紀勤嘅辦公室將會搬嚟香港，親自坐鎮睇實大中華市場，佢哋又多次「示好」，表明有興趣去上海掛牌，凡此種種，都證明中國會係滙控未來發展重心。

日前葛霖出席第二十一次上海市市長國際企業家諮詢會議時再次重申，全球資本市場發展重心將向東移，佢話上海喺全球金融危機下保持相對平穩嘅增長，顯示上海成為世界級金融中心的潛力，對中國長遠經濟增長舉足輕重。

葛霖仲話，紐約及倫敦呢兩個城市將續享國際金融中心地位，但佢哋嘅市場份額會相對下降，取而代之，上海將崛起成為另一個國際金融中心。

諗深一層，葛霖盛讚上海有前途，其實亦即係肯定滙控改變發展策略嘅決定，識得兜個圈嚟讚自己，葛霖果真高明！

余絲韻