昨日午後港股發力，唔少股份都重拾升勢，其中早前股價大幅調整的昌興國際（00803），昨日升逾6%，收報0.415元。雖然集團股價於十月中跌穿0.6元後，一直拾級而下，但近日走勢有所好轉，股價料見底反彈。
其實昌興自早前成功收購PMH（昌興礦業）55.07%權益後，已成功將業務拓展至生產水泥，故在內地振興經濟措施底下，長遠有利集團發展。不過，於過去半個多月中，昌興股價跌幅已逾三成，惟至0.4元水平始現支持，加上集團作勢反彈，唔排除是次震倉行動經已告一段落。
因此，於過去兩個交易日亦見唔少大行的主動買盤出現，以昨日為例，集團的主動買盤股數就有2,154萬股，但主動沽盤就只有1,082萬股，部分主動買盤也甚為積極，每個買盤股數便以百萬股計，不妨小注博反彈。
（小尾）