大家近排係唔係見到唔少人都有玩扭蛋，將抽番嚟嘅小禮物送畀人，或者配番自己電話做電話繩呢？絲絲收到風，渣打香港一年一度嘅藝趣嘉年華又嚟喇，今次渣打一樣緊貼潮流，有30部扭蛋機放喺分行門口，等絲絲乘機換番條電話繩或鎖匙扣先。
今次部扭蛋機嘅扭蛋，包括一條藝趣嘉年華主題電話繩，以及六款唔同嘅公仔匙扣，代表唔同地方，分別係印度（大象同傳統服飾女仔）、非洲（獅子）、日本（人形娃娃）、中東（樹精靈）及中國（壽包）。渣打果然係集中喺新興市場發展，呢六款以「慶典．祝賀」為題嘅扭蛋公仔，都係以新興國家為主。
呢個渣打扭蛋都唔係好貴，盛惠十蚊一個，仲要全數淨收益都捐晒畀「香港青年藝術協會」，不過玩扭蛋都幾講運氣，如果你想儲齊一套六款匙扣，隨時要捐番百零二百蚊都唔出奇，絲絲都成日係咁交學費，今次個十蚊銀記得生生性性，希望一入就中到絲絲最想要嘅「壽包」。
余絲韻