集團主席黃建業尋日就同絲絲講，今年係集團繼○四及○五年後再度贊助賽馬日，原因係今年以來物業市場表現理想，希望藉今次活動感謝大眾對公司支持。

黃主席唔話畀絲絲知，贊助費係幾多，佢猛話呢啲係商業秘密，淨係肯講主題賽事美聯集團盃嘅獎金將高達140萬元。

黃主席愛女設計袖口鈕

為咗配合個賽事，黃主席乖女兼美聯執行董事黃靜怡，特別設計一對純銀白馬雕刻袖口鈕，今日到下月六日期間，凡經美聯促成買賣交易嘅本港住宅物業客戶，只要於期內每日中午十二時，最快可以將臨時合約傳真至指定號碼，無論買方、賣方及促成交易營業員，均獲贈該袖口鈕及意大利名牌鋼筆。原來佢哋只造咗99份禮物，為期一個月嘅活動，又要每次送出三份，所以真係要揀啱時間，鬥快fax至得。

余絲韻