本文重點
內地創業板起動，內地股民一窩蜂炒起晒啲股份，造就唔少人身家暴漲變成富豪，同時亦招來唔少人眼紅，覺得佢哋不勞而獲只係靠運氣。不過成功非僥倖，查實好多內企老闆嘅背後，都有一段可歌可泣嘅過去。
華誼王中軍曾做外賣仔
華誼兄弟董事長王中軍喺20年前於美國留學，日日打工送外賣，搵朝唔得晏，生意好嗰陣每日都係搵得100美元，生意唔好就好慘，但佢終於喺5年內辛辛苦苦儲到10萬美元本錢。
咪以為公司成功上咗市就可以高枕無憂，招股書入面都寫咗，華誼兄弟相當大程度靠馮小剛搵錢，所以一旦有啲乜嘢差錯，公司收入都好受影響。
股價升完又升嘅騰訊（00700），主席馬化騰15年前只喺一間中小型公司打工，創業嗰陣曾試過連影印費都要賒住先。網易丁磊亦經歷過低潮，公司曾經因為股價太低差啲畀納斯達克除牌。
另一間科技公司華為技術就曾被評為科技含量太低，而被拒創業板嘅申請，至今華為向國家納稅525億元，累計申請嘅專利超過3.9萬件，時間證明咗他們嘅實力。
余絲韻