本文重點
尋日可能係好日子，兩間民企老闆一齊攞獎，一個係安踏體育（02020）主席丁世忠，另一個係安東油田服務（03337）主席羅林。
丁世忠奪年度ＣＥＯ獎
丁世忠攞到由ＣＮＢＣ與上海第一財經合辦嘅「中國最佳商業領袖獎——受眾心目中的年度ＣＥＯ」獎，受眾梗係Buy佢啦，未夠四十歲咁後生又勇於創新，佢老早就請咗前「乒壇一哥」孔令輝做代言人，開創運動產品出錢請代言人嘅先河，之後好多內地體育用品品牌都行代言人呢套，自此內地體育名將多咗好多搵錢機會。
至於羅林就拎咗「安永企業家獎中國2009」嘅「新興企業家」獎，佢主張嘅「螞蟻精神」眾志成城，員工真係前仆後繼幫佢㗎，大家都知喺油田工作有一定嘅危險性，員工咁撐佢係非常難得。羅生記住請員工食飯呀。
余絲韻