豬：修心養性

生肖屬豬嘅朋友，性格係大快樂，特別係玩嘅時候可以玩得好癲，但當投入工作嘅時候，又會畀人穩重剛強嘅感覺，處事圓滑，人緣極佳，但有時唔識分輕重，過分沉迷聲色犬馬，因而影響家庭和工作運。

今年犯太歲，雖然下年不再受其影響，但運程亦不見好轉，吉星只見陌越，力量有限，反而凶星有亡神、病符，所以除咗小心身體之外，財運和感情運都會反覆，所以今年建議你修心養性，切勿輕舉妄動。

而日本人氣AV女優穗花，佢生於1983年6月20日，生肖屬豬，佢今年上半年人氣爆晒燈，但踏入下半年就已經冇晒聲氣，睇嚟佢喺虎年一樣會係咁，處於半引退嘅狀態，所以掛住佢嘅朋友，只能重溫舊片啦。

鼠：機會多多

生肖屬鼠嘅朋友，為人特別機靈，適應能力同觀察力都極強，而且計仔多多，口才仲有番咁上下，喺工作上冇嘢難到佢，絕對係老闆最滿意嘅伙記，但缺點就係斤斤計較，報復心強，而且周身刀冇張利。

明年屬鼠嘅朋友犯太歲，運程特別反覆，容易轉工、搬屋同埋感情出問題，但有多粒吉星幫助，只要有實力，明年仍有機會好好發揮，投資方面都有唔錯嘅回報，但千祈咪信專家，信自己嘅直覺反而更好。

而一直係AV天后嘅吉沢明步，佢生於1984年3月3日，生肖屬鼠，據講經理人公司喺明年將會有大搞作，除咗將吉沢捧為AV一姐之外，仲話要讓吉沢染指影視圈添，咁啱吉沢大把吉星高照，相信計劃實掂呀！

牛：出埠掘金

生肖屬牛嘅朋友，為人講求規律，對己嚴苛，做事勤力認真，入職一間公司後就唔想走，十分忠心，老闆有呢啲伙記，絕對可以放心，缺點就係欠創造性，做嘢唔識變通，唔係咁接受轉變，容易感情用事。

虎年屬牛嘅朋友有玉堂、歲合、太陽等吉星照住，全部都係貴人星，而且係異性貴人，賺錢機會多多，工作會好忙，而且有機會出國賺大錢，但亦有晦氣星，指有人會針對你，因而令你心情受到極大影響。

而日本十大AV女優之一嘅範田紗紗，佢生於1985年10月10日，生肖屬牛，咁啱佢下年第一炮嘅工作，就係會出國拍寫真，其後就話去澳門演出，所有搵錢大計都出國嘅，真係唔到你唔信，全部應晒佢嘅運程。

撰文：堅

鳴謝：玄學家梁瑋鈞師傅