美股開始腳仔軟，港股無可避免要跟隨。上周起資金開始轉炒三四線股，雖然過去兩個交易日，指數都回咗近千點，但股仔基本上仲維持得唔錯，相信係股價較落後所致，現時落後嘅股仔仲好炒過股價過高嘅藍籌。
內需股仍然係市場至愛，主流糧食股炒起後，資金又慢慢追入副食品股，好似中國旺旺（00151）咁，美林剛剛出咗份報告睇好佢前景，認為隨着原料價格下跌同轉趨穩定，下半年起旺旺毛利率有改善空間，更看好其新產品之增長潛力。
旺旺上半年純利錄得6%倒退，只得9.36億元，主要係缺乏出售物業的非經常性收益所致，下半年估計可保持理想增長，而美林更調升其目標價至5.5元，古晨覺得有機會升至該水位，而止蝕位則建議設於4元。
古晨