土地註冊處資料出錯

由於個單位實在太抵買，所以Vincent要問問土地註冊處，該處發言人話，上述天匯嘅成交資料確實係出錯，成交價同買家資料其實係同區另一個單位，但該處不會向受影響人士退還查冊費用，只會免費提供原查冊物業或單位的土地註冊資料。

蚊型樓成本低有得炒

其實土地註冊處出錯已經唔係第一次，早兩個月香港仔華貴邨有單位以280萬元「天價」賣出，最終發現又係出錯，難怪Vincent身邊唔少地產代理朋友話該處服務質素真係好有改善空間。

樓價50萬元或以下嘅「蚊型」樓，由於涉及嘅買賣成本唔高，自然吸引一班投資者追捧，利嘉閣研究部周滿傑話，上月共錄110宗蚊型住宅樓成交，總值約3,329萬元，分別按月升13%及2%。以分區計，就以港島區嘅成交量升幅最勁，按月大升67%，一共有10宗成交，而新界區就以80宗成交成為蚊型樓交投最活躍的地區，亦按月上升19%，至於九月份最賺錢單位個案，係一個位於旺角甘芳街22號嘅低層B室，以28萬元轉手，四年間升值27%。

（Vincent Lau）