大市氣氛愈炒愈旺，早前恒指不停創新高，但啲股仔少少炒味都無，場邊嘅鑊鏟友都幾失望吓。幸好皇天不負有心人，前一周古晨都開始聞到啲炒味湧緊嚟，果然上個禮拜成個市唔同晒，正所謂早買早享受，遲買有排受，趁個市氣氛好，快快入市炒番兩轉搵吓錢。
近排啲油價升勢停不了，兩大油股一早落鑊狂炒，龍頭先行，啲股仔點會唔跟進。睇番隻安東油田（03337）已經靜靜地炒咗幾日，但成交一直都未係好配合，但上周五似走勢突破，安東油田係一隻高增長股，六月更泊到中石油集團呢個大碼頭，成功簽訂咗三年嘅戰略合作協議。有咁大個客仔「射住」，未來三年業績都無有怕，不妨跟炒一轉，博佢炒上1.2元，止蝕位一於放喺0.8元。
古晨