Captain Wei同老友講起今次金融海嘯，話作為中國最大嘅國際航運、物流及修造船企業龍頭，中遠亦都無可避免咁受到影響，但就好彩無遭受到沒頂之災，事關Captain Wei好有預見性，一早做好晒準備，未雨綢繆。佢仲話CEO並唔係戴老花鏡嘅人，而係要睇遠方（即係睇長遠），至於眼前嘅事就等啲「g」嚟搞，佢認為掌管一家企業，預見能力實在太重要。

重召智囊團規劃未來

魏董早喺十年前接掌中遠時，就已經搵咗國務院發展研究中心等一啲專家團隊，幫公司策劃十年發展戰略，所以呢十年發展得都算順利，佢家陣又再搵番十年前呢批專家，做緊中遠未來十年嘅新規劃啦。

Captain Wei仲話依家管理企業同佢以前做船長雖然有啲唔同，但佢希望自己喺管理公司嘅時候可以好似做船長咁，對公司有高度負責任嘅態度。

余絲韻