陳樑才靠「木匠」鬆弛

陳樑才話鍾意聽啲柔和嘅旋律，最喜愛係以前嘅Carpenters（木匠樂隊）。絲絲咁後生，當然唔係好清楚呢隊組合嘅來頭，不過睇番資料，原來佢哋係一隊兄妹合唱團，不過妹妹好早就去咗。另外，陳樑才同好多「賓卡」一樣都熱愛打高爾夫球，佢話同客人一齊打波除咗聯誼之外，仲可以輕鬆一下。

中小企係所有地區經濟嘅基礎，香港地出名工時長，生活環境擠擁，乜嘢都係密集式，所以好易會同人產生摩擦，人與人之間問題增加自然就會產生壓力。陳樑才尋日都特登提吓「有壓力」嘅經典人物「巴士阿叔」，希望可透過座談會以及滙豐嘅網上中小企支援錦囊，加強中小企員工抗壓能力，保持身心健康，尋求喺生活及工作中得到平衡發展。

余絲韻