「狂牛」奪亞雖敗猶榮

身為搞手兼狂牛隊隊長嘅富昌證券總經理藺常念坦言：「狂牛隊去年只得第5名，經過一年嘅努力，進步到今年拎亞軍，算係雖敗猶榮。」不過，當絲絲問到藺Sir有無落場「幫拖」時，佢又笑住口咁答：「咪就係因為我無落到場打囉，如果我親身落場，實拎硬冠軍啦。」

等絲絲同大家報一報當日比賽成績先，恒生隊以比分42：26贏咗「狂牛隊」，藺Sir解釋話，輸波原因除咗佢無落場打波之外，其實係因為有幾名主將去咗外地打比賽，無咗佢哋幫手，戰鬥力自然下降。

至於今年第一次參加比賽嘅滙豐，喺今次比賽嘅表現亦算不俗，雖然未能躋身三甲之列，不過都得到第4名，以比分40：49分輸咗畀港交所，可見滙豐隊嘅進步空間都好大，惟有下年再鬥過啦。

余絲韻