本文重點
繼早前有內地傳媒形容「岳母需求推高房價」嘅理論後，國家統計局總經濟師姚景源提供咗一個內地商品房價量齊升現象嘅新解釋，原來父母甚至祖父母為獨生子女買婚房嘅「第三方埋單」現象，就係扭曲樓房市場價格嘅其中一個原因。
「第三方埋單」扭曲市價
中國人有所謂「有土斯有財」，向來重視土地，姚景源話內地兩個小青年結婚買樓，係由雙方父母甚至爺爺、公公畀錢，呢個係經濟學上嘅「第三方埋單」現象，即係買家唔使畀錢，所以一啲都唔心疼，亦扭曲咗市場價格。
姚景源仲話，喺美國普通人用五年左右嘅收入就可以買一套房子，但喺中國，一年收入也只能買幾平方米，唔知係咪呢一點加大咗內地父母為子女購房嘅動力。
當然父母畀錢買樓唔係房價跑贏消費物價指數唯一原因，姚景源話內地房屋租金遠低於樓價，反映居民買樓主要為投資，而租房市場供應充足，亦令租金遠遠跑輸樓價。
余絲韻