大市升勢停不了，市場最熱話題莫過於「保八」能否達標，有消息指在阿爺狂放水下，今年「保八」應無難度。現時全球經濟只算回穩，美國講緊負經濟增長，內地竟然可以交出8%增長，點會唔引死班外資，難怪金管局近期收美金都收到手仔軟。大市咁升法，真係焗班基金狂追貨。
今周係內地電訊業業績期，去年重組市場後，市場多預期中移（00941）塊餅仔會慢慢分出街。中移固然係大輸家，其餘兩家電訊商將會係得益者，聯通（00762）就最懂得利用時勢去創造機會，有消息指今個月底，聯通將開始出售iPhone。iPhone過去兩年魅力沒法擋，今次落在聯通手中，相信對其上客量有莫大幫助，聯通股價亦開始見有反應，不妨以14元作目標，跌穿10元止蝕。
古晨