恒地集團營業部總經理林達民昨日向Vincent報喜，該盤1期1A共250個單位已經全部沽清，套現約1億元人民幣，平均每方米售價約4,000元人民幣。

林達民仲話，今次售出嘅單位主要係兩、三房戶，兩房戶面積78至92方米，三房戶介乎115至137方米，為承接1期1A熱銷旺勢同市場需求，該盤1期1B有機會喺今年底接力開售，該期會提供600伙，涉及樓面約60萬方呎，由於1B提供的單位向中央公園景，料售價會比1A提升15%。

新地商場130萬迎萬聖節

今年萬聖節撞正星期六，商場當然不會放過吸客機會，新地（00016）繼觀塘apm商場後，萬聖節期間亦會組織內地購物團去大埔超級城消費，三團共120人。新地代理租務部助理總經理李碧琪話，旗下11個商場萬聖節推廣費約130萬元，按年升15%至20%，料期間人流有1,000萬人次，營業額1.6億元，分別比舊年升12%同11%，而11個商場首三季嘅表現都幾好，人流一共有2.25億，生意額34.5億元，同樣比舊年升咗12%。

Vincent Lau