文員上位變CEO

最近巴菲特出席一個關於女性權威嘅高峰論壇，雖然佢老人家一把年紀，不過仲口花花撩女仔，席上只有少數男性，所以股神好開心咁話：「對於一個喺讀書時候約唔到女仔嘅男仔嚟講，呢度（呢個論壇）就好似天堂咁開心。」

講番股神嘅管理策略，通常佢對好多嘢都一早成竹在胸，所以好快可以做到決定，而且唔會墨守成規，夠膽起用人才，好似一名來自津巴布韋嘅女子，原本只喺一間珠寶零售公司做文員，時薪4美元，12年後佢就成為咗嗰間公司嘅CEO。最令呢位奇女子印象深刻嘅一段股神說話就係：「我哋可以輸好多好多錢，但唔可以輸少少嘅名譽，包括購併在內，巴郡成功之處好多時候有賴我哋嘅名聲。」

余絲韻