花旗九龍塘站開分行

剛啱喺法國度假返嚟嘅Weber（盧之洋名）話，去年出產嘅紅酒質素好好，但正值金融海嘯衝低咗個價，佢就掃咗6箱貨，轉頭已賺到笑！最緊要係呢批紅酒滿足荷包之餘又可享受，真係投資有道！Weber話今趟喺法國度假兩星期，去咗兩個酒莊品酒，認真優哉游哉！

講開花旗香港，佢哋又增添一家分行，今次仲喺九龍塘港鐵站內，絲絲都專登去湊熱鬧。不過因為喺站內限制多多，喜慶嘢都要低調處理，開張拜神，燒豬可切但就唔准食，醒獅表演都要移師站外地面進行，不過都無阻一班管理層雅興，路過市民見到咁熱鬧，仲有人問係咪有明星睇添！

余絲韻