市場永遠都會畀人有驚喜，正當人人認為大市十月要回調之際，結果上半個月港股愈升愈高，上周大市仲係市有市升，股仔有股仔悶，點知踏入本周，早前又悶又無炒味嘅市場，突然畀啲圍飛新股炒番起，搞到手痕好耐嘅鑊鏟友，紛紛搵目標出擊。早前唔少股仔由高位殺落，啲股價其實都幾吸引吓，如果氣氛可以保持，唔排除聖誕前有另一次「大派對」。
上個禮拜古晨都提過隻亨泰（00197），指發出盈警股價不跌反升，似有料到，果然抖咗幾日，尋日又浮番上0.5元。亨泰內地銷售網絡發展唔錯，係名副其實的內需概念股，最吸引係現價較每股資產淨值0.88元，折讓達四成，近期調整完再開車，一於
實佢，向上暫睇0.7元，止蝕位就放於0.45元。
古晨