大市連升多日，尋日終於出現回吐，其實都好正常。雖然大市唔多「將就」，但沉靜咗好耐嘅股仔就見個別炒作，開始多番少少鑊氣。尋日兩大新股孖寶永恒國際（08351）同江晨（08305）升得咁勁，或多或少令嗰場氣氛好番啲，氣氛呢家嘢都係炒出來，希望今次能維持耐啲就好。
早前內地一句產能過剩，搞到各行各業都驚係嚴打對象，好彩上周有消息指風力發電並無產能過剩問題，刺激一眾環保能源股低位反彈，好似隻中國電力新能源（00735）咁，本身既有母公司扶持，又有國家政策配合，早前由高位殺落唔見咗一半，的確係太過分，現時即使反彈，應該仲係偏低。
內地講明開風力發電綠燈，咁就唔怕追番轉，短線暫向上睇0.55元，止蝕位不妨設於0.4元。
古晨