「阿二」一味拖字訣

聽聞壽險「一哥」早已決定咗唔再請CIO，投資嘅嘢交由旗下資產管理公司打理。以前「飛哥」喺度嘅時候，「一哥」投資成績極靚，幾次忍手無喺金融海嘯前後出手，所以「一哥」先至無喺「海嘯」捲埋嚟時濕身。「飛哥」出身名門，老竇係當今朝中大將，佢走咗，梗係搵唔番咁上下嘅人才，索性唔請好過。

至於壽險「阿二」嗰位鬼佬CIO，年初時喺要為投資損手負責嘅揣測下離職，「阿二」即時將CIO嘅頭銜掛喺老總嘅膊頭，又一路話搵緊人。查實佢哋暫時都想慳啲，唔想再請，依家如果有人問起件事，佢哋都唔會認㗎，等大家慢慢咁淡忘件事。

余絲韻