《辭海》都有話，「神」就係天地萬物嘅創造者兼統治者，喺神話中多數具備超乎常人嘅能力；「威」嘅意思係強大嘅氣勢，可想而知，「神威」嘅結合實在非同凡響。所以喺九六年時，神威藥業老闆李振江為咗公司將來同樣可具有神嘅威力、力量及效果，就正式買埋「神威」商標，一心創造現代中藥傳奇。

「英」名註冊拓國際

最巴閉嘅係，神威藥業嘅標誌都一樣充滿意思，成個標誌不但方中帶圓，又有動感，原來綠色圓心蘊含健康而巨大嘅企業凝聚力，解作企業嘅基點；旋轉向外嘅藍色箭頭，就象徵現代科技及企業雄厚實力，爆發出強勁能量，向四面八方奉獻。神威擺明車馬希望拓展國際，執行董事孔敬權話明公司英文名其實早已註冊，英譯為「Shineway」，即係企業發展之路充滿陽光咁解。

余絲韻