近期美股轉趨弱勢，上周五美國就業數字再玩嘢，帶來一場虛驚，好彩尾市回穩。中港股市率先喺九月中出現回吐壓力，相對一直只升不跌嘅美股，回吐壓力細得多，所以近期大市腳軟軟，市場反應都唔算太大。市場無氣氛，大戶基金都停晒手，最慘係大市沽壓又唔大，唔升唔跌得個悶字，就真係玩死我哋班鑊鏟友。
國策講環保節能，天能動力（00819）專門生產及銷售電動自行車電池，在內地政策扶持下，未來前景亮麗。睇番佢盤數，上半年一啲都唔失禮，中期盈利錄得1.26億元人民幣，增長咗4.4%，主要同原材料價格上升咗有關，下半年內地多個扶持政策出台，估計增長應該唔錯。尋日見佢似郁郁吓，暫時向上睇5元，止蝕位不妨考慮定3.6元。
古晨