本文重點
北京日前舉行建國六十周年閱兵儀式，相信令好多人感到震撼。其實今年適逢六十周年嘅大國企都唔少，保險圈中至少就有兩間，佢哋就係中國財險（02328）母公司人保集團以及就嚟私有化嘅民安控股（01389）。
之不過，祖國保險「一哥」近排都大事慶祝60歲生日，搞到後生一輩都摸不着頭腦，連圈中八卦友都睇唔過眼，話「一哥」太要面喇，點解？
當年內保一拆三
八卦友就話，當年內地只得一間保險公司，後來搞重組，人保一分為三，即係財險、壽險及海外業務，分別變成依家三間H股上市公司財險、國壽（02628）及中國太平（00966），而人保呢個金漆招牌仍繼續保留。照咁講，只有人保可以話自己有60年歷史啫。
不過，呢啲嘢都無謂爭拗嘞！內地好多嘢都講政治，「一哥」覺得咁樣可以彰顯自己嘅歷史地位，咪由得佢囉。何況繼承咗金漆招牌嘅人保，經營成績麻麻，省唔靚個招牌仲失禮添！
余絲韻