原來余生不嬲都Keep住每3個月做一次Body check，對上一次檢查時發現一條血管有塞，為咗安全起見，就一次過通咗3條血管，由於係預防性，所以只留院一晚，第二日就返屋企休養。

辭任兩公司主席

話時話，百足咁多爪嘅余生今趟一次過辭任兩間上市公司主席，係咪諗住退隱江湖？佢話多年來一直都想抖吓，所以今次辭晒啲執董職務，非執董都可考慮吓嘅。絲絲睇過資料，除咗呢兩間公司之外，余生亦係中國仁濟醫療（00648）嘅高級顧問，以及大中華集團（00141）及佳邦環球（00471）嘅獨立非執行董事，另外，佢仲有好幾份公職。

佢依家都仲休養緊，所以生活要好有規律，除咗要注意飲食，亦唔可以做劇烈運動。希望余生快啲好番啦！

余絲韻