聽人話男人到咗40歲，通常會「四十不惑」，已有明確嘅人生目標，安踏（02020）主席丁世忠係其中一個表表者。明年快將40歲嘅佢，按照家鄉晉江嘅慣常做法，會提前喺今年慶祝40歲生日，唔知嗰日有冇大型派對呢？
「輕資產」非萬靈藥
聽聞依家內地體育用品商都希望做到「輕資產」模式，即係好似Nike咁外判生產，自己只管產品嘅研究及銷售，但係丁總就堅持走自己嘅路，認為「輕資產」唔係「萬金油」，並非萬試萬靈。
丁總話每一個品牌有自己成功嘅模式，完全照搬別人模式好難成功，自己生產可以好好控制成本，安踏就有四成鞋類產品由自己生產。佢又話安踏由工廠做起，未來十年中國嘅製造業仍有優勢，所以佢哋保留自己廠房。
余絲韻