風中夜宴「賓卡」叫好

講番上次宴會，可謂係風中夜宴，當日九月十四日正好高掛八號風球，不過無損各地賓卡蒞臨嘅雅興。絲絲相信佢哋都好享受今次嘅安排，事關「賓卡」們可吃盡、看盡充滿中國文化嘅美食和技藝，美食方面包括有淮揚六小菜、大連過橋活鮑魚、福建佛跳牆、海南椰皇官燕等。

夜宴一開始，就以「夜光龍」拉開序幕，跟住係連串嘅精彩表演，包括原裝正版嘅少林功夫、四川「變臉」等。變臉大師不但變咗幾十個臉譜，仲變咗十幾套衣裳，最令人叫絕就係變臉大師走落台，與賓客握手時就面對面變臉，最後更變咗一個中銀標誌嘅臉譜，博得全場掌聲。

余絲韻