本文重點
一間企業最緊要係同任何方面都保持良好關係，好似AEON信貸財務（00900）咁，適逢鬼佬節日「哈囉喂」就快到，佢哋就喺海洋公園包咗場，畀自己啲客戶同員工一齊玩。
搵友好「賓卡」一齊玩
執行董事馮錦成話已請咗7,000幾位客人一齊去玩，嗰日仲會安排一個支票捐贈儀式，捐錢畀聯合國兒童基金會。佢同絲絲講，與銀行保持良好關係好重要，所以佢哋嗰日都搵咗花旗及滙豐呢兩家往來銀行嘅「賓卡」老友去，不過佢就唔肯透露係邊個。
AEON有成40%資金係來自銀行貸款，與銀行保持良好關係當然重要，否則有乜誤會或危機而畀銀行收緊信貸就麻煩，管理層都話一向好重視呢樣嘢，而且佢哋仲有好多備用信貸未用，所以話公司嘅資金來源好穩陣。
余絲韻