港股繼續一個悶字，內地股市亦唔好過，由於上證3,000點關口阻力重重，多少亦影響埋港股市場氣氛。市場無太多嘢炒，好多鑊鏟友都選擇離場休戰，去年十月全球股市重創，古晨未知下個月港股走勢如何，不過睇嚟都應該幾難捱。
中國食品（00506）上半年業績唔錯，雖然營收只能持平無增長，不過純利就有24%增長，當中增長最快者，莫過於旗下可口可樂裝瓶業務，上半年收入增長有57%之多，主要係年初併入咗北京裝瓶廠業務，現時北京廠房尚處於整合期，估計下半年表現更出色。
中食內需概念十足，人民富足，對可樂等消費品需求保持強勁增長，在憧憬進入高增長期下，經收集後似要炒上，向上睇7元，止蝕位可以放於4.8元。
古晨