恒地（00012）主席李兆基更澄清，個人斥1億美元（約7.8億港元）入飛，只獲分配0.5%。

另外，四叔又抱怨名字經常被「利用」造勢，直指現時新股定價太高，勸大家不要抽新股。

四叔昨日直指發售新股，承銷經紀才是贏家：「玩新股佢哋着數晒，公司（認購人）賺價，經紀就賺佣，有新股上時，成日有人向我推銷，用我個名，但其實我無興趣，只係畀面應酬吓。」

四叔之名「遭利用」

四叔抱怨投資多多、賺得少少：「今次抽國藥同中冶，一隻好一隻差，好嗰隻我入一億美元，只派0.5%畀我，得400萬港元股份，升咗15%，賺得60萬港元。差嗰隻我入少少1,000萬美元，但就派三成畀我，接成3百萬美元貨，估計今天會跌約5%，一來一回只係打個和。」

四叔呼籲：「依家隻隻新股都太貴，個個就利用我個名影響大家嘅心理，希望同大家講清楚，抽新股只係賺粒糖，勸大家唔好抽（新股）。」