李嘉音為舅父賀壽

同好多商界知名人士一樣，絲絲好開心咁去沾吓壽星公楊俊湘老將軍嘅喜氣。雖然話已經一百歲，但係老將軍英姿不減當年，思維敏捷，說話鏗鏘有力，仲好有幽默感添！佢上台同大家招呼致詞時，竟然叫「各位前輩」，現場笑聲驟起，老人家睇準大家最想知長生不老嘅秘訣，點知佢就賣口乖，話養生之道就係食咗外甥女公司嘅保健藥品嘞！

老壽星目前定居於溫哥華，佢話嗰邊嘅醫生都識佢，大家對佢身體咁健康感到好驚訝。梗係啦，老將軍係黃埔八期嘅鐵漢，佢嘅健康狀況分分鐘好過後生仔。

嘉音姐就話，好感激舅父嘅栽培，因為佢年輕時跟住舅父來往兩岸三地，先至有今日嘅成就。絲絲記得，嘉音姐仲因此而與北京同仁堂結緣添！

余絲韻