本文重點
上周五恒指收報21,623點，最後一個交易日難逃「跌」運，於是我立即打電話問候一下股友。散戶劉太話近期內房股略見調整，看好之後有上升空間，劉太計劃本周以1.3元買入越秀投資（00123），目標價係1.55元。
另一散戶Jacky則認為，上周恒指升得太多，本周有機會跌至20,500點。他又透露上周五已買入2,000股中移（00941），主要係追落後，本周若其股價再跌，可能會再度入貨，預計喺90元先會沽出。
低撈恒鼎又叫胡
其實揀股清單唔使太多，重點留意一、兩隻就夠。股友黃太都用呢個策略，佢話：「今個星期我會趁恒鼎（01393）跌至7.8元入貨，之前食過幾次胡，對佢都有信心，自己都算心中有數嘛。」
聽到3位散戶對本周市況都有一番心得，希望佢哋都可以執到「筍」貨啦！
（高妹）