港股力逼22,000點，市況好番，雖然氣氛仲未及八月時咁旺盛，但市場炒味再現，部分股仔再聚人氣，鑊鏟友又埋番晒位，如果今個禮拜保持到氣氛，唔排除股仔再現生機。
上禮拜五，古晨
到隻濱海投資（08035）表現省鏡。自從天津泰達投資入股後，股價走勢認真唔講得笑，大股東手持逾1,300億元資產，旗下公用事務遍及水務、能源、天然氣供氣等，另外亦有發展財務、基建、保險、工業及房地產，有呢個大股東照住外，濱海亦成功拍上中石油（00857），並取得未來20年嘅天然氣供應，為發展天津等周邊地區天然氣取得優勢，今轉發力炒上0.6元，睇怕穿頂絕對唔係問題，走勢一浪高於一浪，睇怕注資亦都好事近，暫時先睇1元，止蝕位可以考慮放0.53元。
古晨